賺好少~?

最近轉左會,由經經常去o既大x山單車店,變左比較多去另一間叫大x人單車店,其實都係因為一個錢字,親眼睇到錢點去改變一個人~
本身第一架6百蚊o既單車,玩左一陣,因為朋友仔o既關係,佢帶左我去小泉(唔係純一郎)o既鋪,因為佢同佢老婆好熱心亦好有耐心咁解釋同教我單車知識,技術技巧,當時仲係跑緊freelance o既我亦o係佢度出左一部單車,價已過千,而且用碟剎,之後亦日日無野做都會走落去佢鋪頭,當然自有長工返之後,都o係佢度洗左唔少錢,有時明知佢d野貴過其他店舖,都幫襯佢,主要都係因為佢兩公婆又好傾亦樂於助人,熱心教人,幫手,就算錢銀野都有得傾,當然當時我地一眾熟客亦幫佢鋪頭唔少,因為得佢一個人做,有時佢幫我地裝野有時大意裝得唔好裝漏野,都會體諒佢,不過自從一次佢幫我裝大鍊餅,一邊脾無上實,我去完深屈返去佢鋪頭叫佢check d野,佢一掂,成隻脾跌左落黎,我先醒悟,當日我有可能已經死左,隻脾如果o係我落幾條大斜時甩左,真係唔死都重傷~
一段時間之後,一眾熟客仲要去幫佢咁介紹d朋友幫襯佢,佢亦好似入左大運咁,大把外國人去幫襯佢,佢個人就好似d暴發戶咁,當初o個d所謂"貴人少少因為會跟長期良好售後服務"已經變質,做野成日求其攪一攪就算,都唔試真少少,令到好多人轉頭又出現問題~繼續大意裝漏野,生意好左咁多野又貴過人都唔請個人幫手~有d大問題d零件好可能要換或返代理整,佢亦經常用"心理作用"黎耍走d客,我對碟剎就係俾佢當我係精神病人咁攪左十幾次佢都頂唔順,最後都要死死地氣幫我攞返代理整,結果代理就係整好俾返我~又話到左call我,結果我唔追都唔知已經返左黎,係我心理作用定係有人整唔到又懶幫我攞返代理呢?
一間o係自己村屋開鋪,唔洗租金,地方又大,因為係原住民唔洗俾堂口收陀地,水費都唔洗俾,又慳唔請員工o既鋪頭~都成日話自己賺好少,貴過人都係收返合理回報,咁人地出面租鋪,又有員工都仲賣得平過佢,係唔係日日食屎唔食飯先生存到呢?呢樣真係好學唔學~d電腦鋪成日話一塊底板賺十蚊,香港而家人人有電腦仲個個去高登出機咩?只係賺砌機3百蚊一部,可以養咁多人,又俾租金電費,一日要砌幾多部先夠呀,有幾多客俾你分呀? d打手成日o係forum話,我做過sale,真係賺十蚊架咋~真係賺咁少,中央田可以請咁多人行行企企仲,分店開完一間又一間,就黎成個高登都變成中央田,賣白粉呀?請人開分店可以唔洗錢?一餅雞蛋仔都賺一倍啦,做咩仲賣底板?單車野又係賺咁少?賣咩單車件呀?賣雞蛋仔啦,十蚊底可以賺5蚊呀~唔洗售後服務架~
最近買左隻casio錶,以前聽幾位做手錶設計o既朋友講,幾貴o既銀,隻錶肉都你平到你唔信,貴表都係貴在錶殼錶面設計同做工,一隻成本八十幾蚊o既錶,零售係賣6千幾蚊,我隻錶標價1680,水貨都好啦,竟然折左可以做$585俾我,平時如果唔係咩俾成本價俾我,食水可以幾深呢~?而又聽聞某曾經做過賣水晶o既朋友講d水晶串手鐲賣百幾蚊左右o既,基本上只係跟大貨一齊返o既平到唔洗錢o既下欄野,只要佢賣到同批貨d貴石,佢d平野就已經係0成本,賣到一百就淨袋一百~而家最近睇中本來想買俾人o既一條月亮石,本我買左o既一條,只係一條d石大粒小小同有藍光,一條2百都唔洗,一條2千~
其實如果成日怨賣電腦野同單車野賺得少o既,不妨轉行賣錶同水晶丫~

東涌遇見的昆蟲~

住左o係東涌3年幾4年,事實上比起以前住官塘翠屏村,仲更少昆蟲飛入屋,不過見到唔少以前未見過o既昆蟲~

蟬退呢~

祝早日康復

祝最近自己cut爆自己手指的朋友早日康復:p

咩叫"Unlimited"?

最近老闆成日坐o係我隔離部mac攪portfolio,我都唔好意思成日做自己野~
自己已經有老人痴呆,唔update下個blog紀錄d事,隨時都會唔記得晒~
最近o係forum見到幾個csl nextG o既post,個Unlimited plan用到過左4GB流量就限速成16kbps,比當年唔好講56k,連再早一期o既28.8k都唔夠~真係離L晒普~
佢有個咩"公平使用政策"http://one2free.hkcsl.com/jsp/o2f_next_g/o2f_next_g/fair_usage_policy_tch.htm
平plan呢,得頭4GB係免費無線寬頻,過左就得返16kbps,個條件又硬膠,3.6mbps俾人用每月2GBytes流量佢地話(可供每月2HD電影下載或每天1.5小時Std YouTube)7.2mbps,21Mbps就多d,不過o個幾十GB唔洗一個月玩完,3百幾至5百左右一個月費,唔係真係只係出街用下化?
係佢地狗定係香港人文盲呢? Unlimited佢捉字蝨話4GB流量之後,佢唔係cut左唔俾用,只係慢o者,都有人講得出,16kbps連入forum睇post都隨時time out入唔到同無都分別不大~
佢個tvc仲講一家人分享快樂,一家人分享一日都無晒啦4GB,仲有之前smartone篤爆左佢個nextG 21Mb跟本好多時連3.6mb都無http://hk.news.yahoo.com/article/090729/4/dfzi.html,佢仲夠膽繼續出21mb plan可以話係厚顏無恥~
而且d公司係唔係都要請大學生,就係要d高學歷黎諗計用捉字蝨同走法律灰色地帶黎呃錢?
究竟Unlimited同公平使用係咩!?
可以由服務供應商單方面修改o既係公平使用條款? 個流動寬頻限流量,過左就cut速度直接cut到慢過舊式56kb都可以叫Unlimited?

事件紀錄~

11月~ 濕地公園~
http://picasaweb.google.com/12teamphoto/alhZeE#
http://picasaweb.google.com/umistudio/zxrWY#

12月25日
柴灣7層舊式工廈頂樓bbq,魚旦燒魚旦~


12月31日~ 富婆靜儀天水圍屋企bbq迎2010~
http://picasaweb.google.com/12teamphoto/KqKCOL#

偏食怪偏食List~

感謝各位知我勁偏食仍然會同我食飯嘅朋友

海鮮類（基本上只吃蝦）
魚~全部
鮑魚，聖子，青口，蟹，龍蝦

蟹只食鉗~
帶子，蝦(白灼唔食)，蜆(只吃炒蜆)

陸上生物
羊，馬，蛇，駝鳥，兔，鼠類

蔬菜:
通菜，中西芹，芫茜，莧菜，苦瓜，絲瓜，佛手瓜

水果:
榴槤，火龍果，木瓜，石榴，大樹菠蘿，楊桃