當日因為要帶剛認識不久的女朋友(小俸)去,所以遲到了,其實原本沒打算要帶她一起去的,就係怕會悶死佢,第一次有咩講丫,點知我同佢講,不如唔好去啦,佢竟然問我係唔係佢唔可以去,咁即係點都要帶佢去,加上佢當日唔舒服,結果佢黎到真係悶死左~不過真係要多謝各位~
第2日當12team各員都離我回港之後(我有企o係度目送大巴/大家離開架,只有無人見到我o者),我係要去羅湖搵小俸啦,因為唔知要坐幾耐車,所以要o係海岸城搵洗手間,原來人地一個海岸城都真係大得好緊要,因為我仲行過唔少大家都無經過o既地方,仲有本來日間平平無其o既地方,原來晚上都要有光滲出,尤其o個舊白色好似隧道咁o既野,晚上裡面會有顏色燈,而且係不停變色,另一面西區o既樹上入夜會有好似落雨咁o既吊燈,d光由上而下好似落光雨咁~ok有趣~
(照片全部出自LG KM900手機)
我去到東西之後,同小俸食完飯(佢一早食左),佢就送左我落地鐵老街站,迫我返屋企,本來我打算送佢返去,不過算啦~其實我地識左幾日就一齊,有好多野都未知,我都唔知日後會點,我o係facebook改status,多謝大家o既"like",不過唔知會唔會好快又變,始終水星人黎到地球o既香港已經同香港人難相處,而家仲要識個文化風俗都唔多同o既女仔,有時都ok難溝通,就今日o係QQ都已經無咩野講lu~
放左一個月假,又要返工,原本要影swarovski o既水晶,但係又改左期TDC同Dreyer's個JOB都無左,又要日日聽佢呻lu~真係好唔慣~
