(基少影o既)
2010年6月4日,六四事件二十一週年,再一次去到維園,今年不再是以往陪我去的KY先生了,今次是12team 另外3名成員,上一年一早去到,在通道企,無入球場同人一齊坐,就是一開始很有震撼感的播了抗戰二十年,仲以為阿paul有上台,不過因為熱同掛住影相,十分不投入(重點是旁邊有兩位美女,人就不專心了)無耐就走了~今年不同,不是想去影相,因為前一晚去過維園睇到佢地搬女神像,睇到個台差不多砌好,當然同上年沒什麼分別吧,所以沒什麼要再影吧~
本來當日中午要去拿身體檢查報告,不過一放假就睡到一兩點,真係鬧鐘都無用,打去問一下佢地話miss左就無時間搵人招呼我了,要改日期,加上手腳的皮膚病仲未好,本來打算唔出去,不過基少打黎問我去唔去,咁就去啦~不過因為等齊人,所以入場比較夜,由天后入場經過左個台之後,台上已經宣佈叫人去草地,維園6個硬地足球場已經爆滿,當我地行到去草地,其實都最少有四份一企左人,不過一路都攞唔到蠟燭,草地入口的工作人員都只剩低承蠟淚紙柸派,為方便等陣去攞蠟燭,所以無跟人群行去後面,o係前面人堆插左入去,之後都攞到蠟燭,不過無耐台上就宣佈球場草地同台後籃球場都爆晒不過仲有人入緊場,而且全部蠟燭都派晒,返屋企睇cable新聞,草地後半o既人已經無晒燭光全部電話光~今年比較投入,氣氛亦不錯,不過都要多得政府超錯,打壓公投,禮義廉批高鐵益地主,批法案強搶民產,最後仲攪壇警察強搶"民"主"女"神像,仲有中大禁搬民主女神像入校園,本來預期比二十週年少人的六四晚會感覺上已經比上年更多人,因為銅鑼灣天后都有封埋路,今年除了捐了錢給天安門母親,拿到了個襟章扣針,仲o係陳偉業手上拿到了"超錯"貼紙^^
去了吃完點心皇的點心起錨回家,在車上看到天后cwb都仲有好多貼住貼紙,去完六四晚會的人在街上,發現香港還有很多有心人,而且都是好人,雖然我地前面對男女見我兩次燒著左紙柸好擔心我整到佢地,不過當佢地見我無再點著蠟燭,佢地都主動提供火種俾我點返,大家都有心又友善,而且發現多左好多後生仔同外籍人士在場,大家都走出黎表達意願,究竟呢十幾萬&去公投的五十萬人,是否只是香港的異類,不算民意,定係其他不滿又不表態的人&因為現無能政府之下撈到油水,唔想改變的人才算是香港市民呢~?
六四二十週年
http://picasaweb.google.com/umistudio/2009#
六四.二十一
http://picasaweb.google.com/umistudio/ZvihAI#
