22Nov2008,多謝契細佬,請埋我去睇祖戀明歌音樂會,呢次係我第一次睇演唱會,皆因平常我覺得去睇演唱會o既幾百蚊可以有更好o既用途,不過今次o既演唱會,唔知係唔係第一場o既關係,音響方面唔係好得,低音大得黎幾拆,又大聲得滯,我地坐山頂都太勁,坐近d唔知會唔會聾,黃耀明又非常之奇怪,好似變左痴漢咁,一開波已經攬實容祖兒,攬到佢好唔自然仲差d企唔穩,不過最大問題係黃生唱joey d歌但從新編曲o既歌,唔好聽之餘跟本唔知佢唱緊咩歌,反而我之前對佢無咩好感o既容小姐,其實佢唱得幾好,之前o係d音響店睇過好多香港歌手o既演唱會,出黎o既歌聲同cd 出黎o既差9里遠,不過佢兩位現場唱o既聲非常接近cd o既歌聲,真係出乎意料,可能只係我見識少~~
26Nov2008,多謝barry請我去睇死亡預告,o係未見到張飛之前,我仲以為係d咩死亡xx o既西片系列,點知原來係日本電影,唔知係唔係barry知道我呢排心理有問題,所以幫我散散心,不過唔好意思,我係一面睇一面諗緊我一直在煩惱的事,睇得唔投入,而呢套電影我都覺得係幾好睇o既,日本仔d思想成日都可以好偏激,成日諗到呢d題材,不過都係由小說或漫畫影畫化o既比較好睇,呢套小學館o既イキガミ真係幾有趣~
呢排o既麻煩o既其實都係自己攞黎賤,其實唔關人地事,我的確心理質素唔好,同樂兒o既我單方面o既牽絆,需要一點時間去沖淡,不過應該好快回復,我只是突然感情過多溢出暴走一會吧,當我明白自己應企的地方時,我應該不會再有這多餘我情緒波動,同情線少的人,應該是比較冷靜,現實感情變化小,我一向都ok冷血的吧!
