又有蛇~

上星期四,帶alice睇完醫生,確認可以觀察,先不用動手術,之後為左放鬆一下,又踩單車出廸士尼,去到欣澳抽水站前少少,仲留少上次打風的樹枝散落地上,不過竟然見到一條以為係樹枝的物體企左1/3起身,而且頭頸位置澎漲,因為本來以為係樹枝,我直剷緊埋去,見狀當然即刻扭呔,新車架差d就發生第一次炒車,當避開之後的小上斜路有半條下陷左3吋,當然已經避唔開一野就衝左落去,當停定回頭一看,原來係一條bb眼鏡蛇,牠亦在高速開逃,當手機拿出來已經潛了入草叢,我亦唔敢搵,如果有成年眼鏡蛇的話我就唔夠快走得甩~對上次見野生蛇就係俾前面單車碌過的小蛇,再上一次就是在西貢,有條金腳帶o係我腳前幾cm行過~

因為前一日係重陽假期,我去到廸欣湖基本上只有兩crew人影緊婚紗相,公園無人,湖上只有兩隻艇,第一次見到可以叫做鬼影都無隻o既廸欣湖,但係竟然因為咁,發現到佢個公園入口個花圃原來有好多蜂鳥同蜜蜂o係同一地點共同搵食,而且需完全唔理我,就o係我腳邊,伸直手已經掂到咁近o既花上面食花蜜~

完全無人

睇得到是什麼嗎~? 蜂烏呢,我不是瘋了~

用手機加天陰,影到都算係咁~

Alice的病情~

很久沒留下紀錄了,
最近幾個月,alice姐因為我吸麈受驚,無故斷爪,o係貓樹二階位置的alice,吸完塵佢都仍然o係同一位置,不過就多左攤血,估計係我背向佢吸緊塵時,佢驚慌過度兩隻爪"卡住"貓樹柱,無情力自行拉斷兩隻爪(估計,係因為我睇唔到案發經過,佢又無掂過部吸塵機,所以又唔係因為打吸塵機受傷,而且佢全程無離開過貓樹~)
因為發炎,要睇vet,第一次附近診所係外籍女醫生,好地地開左抗生素,alice都慢慢好返,不過完藥幾日後,2隻斷爪一隻好好康復,另一隻突然再次發炎,而且爪肉兩邊有無舊肉生左出黎,為有繼續用消毒藥水同藥膏,不過幾日之後,一直沒好轉,只好再去睇醫生,
今次診所轉左係一個香港人男醫生,佢講到好無野咁,只要吃點藥收乾傷口d水,限制佢唔好舔傷口就好~可惜alice姐一直極度堅持舔傷口,就算載左加長的12.5cm頭罩佢仍然舔到傷口,另外加上醫生講到好輕微,佢d藥又跟本收唔乾傷口血水,日日血水乾結封住傷口,日日要強行拉開再清洗傷口又唔見好轉,結果都要睇第2次,都係o個個男醫生,講一樣o既野,開一樣o既藥,配多個再加長的頭罩,情況依舊無好轉~
之後有一日,alice意外自行除左頭罩,當然又舔傷口啦,收工返屋企先見到,佢又自己舔到傷口好乾淨,咁為有俾佢舔傷口,因為好似好過唔俾佢舔傷口,點知原來會更大件事~
佢傷口慢慢出現臭味,但係附近診所個外籍女醫生無幾多日返工,不過請假都要就佢啦,醫生一睇就搖頭,佢爪肉都無埋細菌感染到入骨,好可能要切除趾骨,可能醫生知道佢個男醫生員工有d斷錯症,所以竟然報個1.5k全包手術費,barry建議我帶佢睇alice父母兄弟的家庭醫生,所以再請假帶佢出大坑睇,咁o岩醫生有事講左兩個鐘長途電話,反而因為其他人等太耐去左食飯我可以打尖睇先,結果都好可能要切,而且咩都未計o既一小時手術費已經3k,不過外籍男醫生的第2個建議係加大抗生素劑量兩個星期看情況,結果大有好轉,傷口完全收乾爪肉生返而且爪子開始生長,現在是抗生素完藥後的觀察期~
基本上兩個多月來日程是~起床 >拆頭罩放飯 >氹佢飲水 >餵藥 >載頭罩~ 返屋企, 拆頭罩放飯 >氹飲水 >半小時跟出跟入(唔洗載頭罩,但要睇住唔好俾佢舔傷口) >載頭罩 >"我"自由活動~!
最後會點? 未知,醫生都唔知,不過人地話香港人獸醫唔得,原來真係唔得,得o既booking排滿晒,今次見識到香港人獸醫點樣唔用腦,佢同alice抹傷口唔反抗,就以為佢唔痛,我後攞病歷去大坑睇先知佢以為alice唔痛寫入病歷,真係唔用腦,無左爪殼,d肉會唔痛?真係唔痛就係壞死啦~ 因為咁,可能日後唔去大坑都係去愉景灣睇,原本以為要搭幾百蚊的士入去,點知係的士唔入得,反而如果寵物袋不大於20x12x12"就可以上愉景灣巴士,唔放佢出黎玩就OK~

多謝samson的乾貓草,alice無反應,阿茶當飯食,小鏡好似隊左野咁,食到跌響地攬住個飯碗同典地~ 反而竉物店送的木天蓼粉,alice聞左會典地打轉同流到一地口水,所以我都係掉左~