그바보(那個傻瓜)(有線譯名:摘星奇緣)

人生第一次會趕返屋企睇o既電視劇,我唔可以話係好好睇,不過我鐘意睇~
一個無可能發生,要個個人都真係咁傻咁天真先可以引發o既一個故事~_~
http://www.kbs.co.kr/drama/babo/
仲有佢首ending好good雖然聽唔明~
Youtube最靚聲o既一條片,不過竟然唔足本~

仲搵到段女主角韓智秀逸(金亞中)其中一幕要引男主角具東佰(黃政民)笑o既片,取尾竟然係扮韓國組合"少女時代"~

塘福之APO Only生日快樂+我家被踩場

之前十月都係阿寶加洸少一齊一次過慶生架嘛~今次入塘福只係同apo一個慶生,仲唔係Apo Only?
塘福大家都講過晒,只係我帶左小鏡去,佢一來唔見左一直陪伴佢o既阿茶,二來陌生環境,三來佢都唔係好鐘意我架咋比起阿茶~_~b,所以成晚縮o係德少整俾佢o既枕頭山洞,又唔去廁所,只係食左幾粒糧,無計,下次有機會的帶Alice啦,不過其實貓都唔係太鐘意出街,阿茶而家咁大件,我有時抱佢出門口佢已經死命咁爪實我~仲有其實我帶小鏡出到巴士站,佢已經返生左,係咁叫,係咁頂個貓袋要出黎,好彩5點20分有車由大澳出東涌,我好驚佢忍左成晚半路中途癩屎~
各位上過黎我屋企,係唔係覺得好細好迫呢,多謝Tony同基少仲話我屋企算整齊,真係多謝誇獎,亦多謝barry先生每次上黎都抽時間幫凡諗我間屋可以點執整齊d,其實我就覺得好亂,亦唔明點解洸少間屋點解咁少野~
德少,我座170cm貓樹係唔係好開心呢~
另外好耐之前Tony叫我裝修完call佢等佢上黎坐下,我一路都無忘記,只係因為我無錢,咩都自己黎,油牆鋪地板還可以,但係3度門3條門檻要鑿石屎,我用人手試過,唔係好work,所以一路都無整,所以一直都係未裝修完,所以先搵Tony上黎,其實係我衰有錢都攞晒去買無謂野~_~
星期日晚大家行完寶連禪寺咁餓咁攰,知道我太悶,仲肯黎陪我食晚飯,仲要間死人東記又少人手,出茶又慢,餓死同攰死各位,真係多謝晒咁多位~
因為驚大家行得太攰,所以叫大家搭車過黎,因為晚飯後個位置行小路去巴士站比較近,不過我又唔記得帶電筒,更加唔記得個球場整野無晒燈,不過竟然有人覺得條黑媽媽o既小路環境OK,咁我就貼下日頭係點樣~

另外我當日知道大家仲o係大佛,我就出左去踩車,其實我已經出左小蠔灣,因為一個人無人幫我睇住架車,諗住入機場港龍地庫車場入面部汽水機do野飲,途中經過映灣園對面個爛地,因為d草太高,我成日要落腳懷疑跌左電話,其實個電話跌左o係床~
草高過人~

12 team相link~
http://picasaweb.google.com.tw/12teamphoto/2009101718Tony#
http://picasaweb.google.com.tw/12teamphoto/360#
http://picasaweb.google.com.tw/12teamphoto/36002#
http://picasaweb.google.com.tw/12teamphoto/36003#

點解咁架~?

有無人知呢個係邊個~?

點解張相會o係tvb.com出現架~
http://blog.tvb.com/stephenchan/2009/10/10/香港旅遊發展局年報/
我原本因為知道陳生講過佢會post相上自己個blog,諗住開住個blog黎笑黃生"你出位啦今次~"點知見到一個好熟o既肥仔背影,原本佢影兩個mon個野我都入左鏡,不過o係佢按快門o個下我就閃左去,點知都係中左~

仲有我老闆CK WONG先生,你出名啦黃生~不過老闆你個架部真係殘,同埋d發泡膠板真係好肉酸,掉晒佢啦~

仲俾人見到你做影相只係用一隻apple Cinema Display +隻dell 22"IPS Panel mon~ENZO都無隻~仲係用IKEA脆弱電腦枱~
P.S.個dell mon唔錯架都,都係IPS Panel黎架,雖然得1680x1050,不過千六蚊22" IPS Panel真係OK抵~

戶田惠梨香毒~

早o係一年前,有線播左套LIAR GAME http://wwwz.fujitv.co.jp/liargame/index.html,應該都唔少人知係咩黎,好似仲就快出第2輯~當時第一次認識女主角戶田惠梨香,不過無去搵佢d相睇下~去到今年7,8月左右,有線又播左套コ一ド．ブル一(有線譯:緊急候命)http://wwwz.fujitv.co.jp/codeblue/cast/index.html~第一集一開頭已經見晒全部主要角色,見到兩名女主角,一個面少少baby fat好熟口面,我好似好鐘意呢類面型o既女仔咁~仲有另一個o係劇入面好鬼溫柔o既女主角,不過一路覺得佢地幾靚但係我睇左5集都唔知佢兩個叫咩名,有一日專登睇完留心睇人員名單,原來就係戶田惠梨香&新垣結衣,新垣結衣個名成日見,不過唔係好記得個樣,我覺得佢呢隻樣好難有深刻印象,反而戶田惠梨香我就好記得佢個樣,但就唔記得左咩劇見過,諗左好耐終於記得就係LIAR GAME個妹仔,不過LIAR GAME入面佢個角色就好似係コ一ド．ブル一入面個白石(新垣結衣)一樣好善良溫柔,不過今次佢個角色緋山真係好鬼煩同好鬼嘈~仲有個人都瘦左,不過我就覺得LIAR GAME入面佢塊面同個身都肥返dd仲靚仲可愛~雖然係覺得佢靚,不過我搵到佢幾張相DL左之後又唔記得左件事,直到前幾日收工,搭升降機到公司樓下,一開門見到個完全殺晒超級靚o既model,我突然彈左個名出黎:戶田惠梨香?但係個樣完全唔似架喎,睇黎我個腦中左毒啦~
戶田惠梨香

新垣結衣

兩個對眼大到就快跌出黎咁濟~

拖板

BELKIN有蓋8位拖板,唔洗望住一舊二舊火牛,無眼屎乾淨盲,又唔洗d 13AMP插坐封麈,又有濾波,又唔怕三隻衰野攪,本身電視後面o個個已經用左兩年,不過好貴要$399,不過上次去三星灣BBQ當日有朋友去行電腦展,朋友幫忙買多隻$299平左一舊,不過買左都一直懶攪,兩個月前先換走條舊拖板~

THE QUIZ SHOW(有線譯名一千萬零十二夜)

第一季/第二季

今日有線播放第一季,有12話的THE QUIZ SHOW(有線譯名一千萬零十二夜)
睇完好似幾有趣,就上網搵下佢d資料,原來係2008年的NTV的深夜電視劇,我o岩o岩先睇左第一集,講有一個電視節目,叫THE QUIZ SHOW,有d似百萬富翁,參賽者要答7條題目,答o岩晒就累積有一千萬獎金,但係參賽者可以選擇攞走佢,或者用黎換取一次實現夢想o既機會,先前7條問題好似好正常o既常識題~問問下就會問到參賽者的私穩問題,如前男友死因之類,而主持人亦知道參賽者好多o既私人事,回答問題亦即要將自己o既私穩同往事都公開,最後要挑戰實現夢想,仲要答多一條問題,第一話主角就被問及前男友過身當晚,主角正同邊個會面,仲有4個答案選擇,結果主角為左要實現夢想,將不想公開o既私穩公開,好似幾好睇,搵左一陣,發現原來今年NTV再拍左第2季,演員亦換晒人,似乎有OK好收視,由第一季星期六0:55~1:25,第2季已經變成星期六夜晚9點黃金時間,似乎黎緊o既集數會更有趣~
第一季官網
http://www.ntv.co.jp/quizshow/2008/
第二季官網
http://www.ntv.co.jp/quizshow/index.html
星期日晚上,有線亦播出一套叫"Q.E.D. 証明終了"o既日劇~
http://www.nhk.or.jp/drama8/qed/
原作係講談社/加藤元浩マガジンGREAT雜誌同名漫畫改編~又係推理解迷,不過佢d橋真係有d夾硬黎,佢吸引我o既竟然係有線幫佢砌o既promo,o個個background music我覺得好得,但係睇晒成集都無聽過首音樂再出現,完全唔知係咩音樂,於是出動KM900的tag it功能,錄7秒聲連線上資料庫搵資料,竟然好快就搵到係David Garrett拉的MJ的一首歌Smooth Criminal提琴版,真係幾好聽~

加上前排基少搵返隻TRICK劇場版,http://www.tv-asahi.co.jp/trick/
其實真係覺得d日劇好睇同有內容好多,資料搜集同表現手法好過無線d垃圾電視劇好多,我唔係日劇迷,唔係有線播我都唔會專登搵黎睇,就算遲下再窮d有線都要cut埋,我都唔覺得自己會走去睇無線d垃圾電視劇,最近連d客做DESIGN,廣告都開始有人講無線d垃圾電視劇~!最近o係facebook見到有個group,有段無線新聞記者9號風球現場報導,標題係"無線新聞唔係是是但但",出post個人真係精神有問題,個記者係辛苦,不過唔關無線新聞係唔係是是但但事囉,有線仲衰到搵個女記者去,一樣係尖沙咀,一樣吹到講唔到野~呢d係個記者o既工作~
仲有.原來TRICK仲有第2套劇場版架~

Le Tour de France ~CAVENDISH

今晚o岩o岩睇完環法單車賽Le Tour de France,已經得19站,4年後復出的Lance ARMSTRONG又話黎玩下,結果黎呢個好多人都話唔係人玩o既變態road bike多日賽,暫時總成績第3,諗記前兩日上東涌道只係2百幾米我已經半死,佢地差不多每站踩百幾二百公里,仲要上埋d海拔二千四百米o既HC級山,上到山頂之前仲可以站起身爆車追人/突圍,o個d斜度仲可以踩o個d速度,人o既潛力真伙好勁,ARMSTRONG癌症之後,連嬴7次環法,退出左4年又黎玩,仲要而家總成績第3,真係超勁~
自前年有追有線直播環法,先發現,踩單車一樣要有策略,有戰術,唔只體力咁簡單,資訊戰,心理戰一樣重要,當年因為一個牌子,喜歡上一個車隊,當年用台灣品牌GIANT單車o既德國T-Mobile雖然成績唔太好,不過主力KIRCHEN Kim我已經覺得佢好勁,當然當年總冠軍同今年黃色戰衣仲帶緊頭o既CONTADOR Alberto超勁,不過當然我唔係好鐘意無左ARMSTRONG o既Discovery隊,上年T-Mobile同Discovery都解散左,T-Mobile大部份人馬由領隊改組新名team high road隊(上年環法時命名為Team COLUMBIA)有一名有趣人物一鳴驚人:Mark CAVENDISH,2006年佢有o係T-Mobile,有出環法,不過無成績,上年佢因為備戰奧運,未跑晒21站就退出,但已經嬴左4個分站冠軍,佢o個d超級衝刺能力極勁,一齊衝線,比人遲起步一樣後上衝嬴人~
今年Team COLUMBIA多左個sponsor,加多左個牌子,叫Team COLUMBIA-HTC,CAVENDISH呢個傻仔仲o係其中一站衝線時幫HTC賣廣告,真係有趣~
除左總成績領先o既車手可以穿上黃色戰衣之外,仲有一件叫綠色戰衣,係靠賽站中途一d衝刺點同終點衝刺攞分,中途衝刺第頭幾個先經過衝刺點的車手有分,不過都係得幾分,而衝終點攞分站冠軍就有35分,CAVENDISH嬴到今年環法第5個分站冠軍,全部都要多謝隊友百幾公里一路護住佢,最後幾公里不惜氣力幫佢o係前面帶車確保衝刺路線及位置,仲有佢自己o既驚人爆炸力,就算俾人搶左先機衝左先,佢亦可o係好短距離同時間下加速後上過頭衢冠軍,主要對手,而家仲著住件綠色衝刺王戰衣的HUSHOVD曾經同CAVENDISH同步鬥衝都一樣輸,結果就轉戰略,o係兩位衝刺型車手都唔掂o既登山路段,一開始就跑出,攞晒d中途衝刺點分,衝完就收皮,就算最尾返都唔緊要,因為CAVENDISH完全攞唔到中途衝刺點分,過終點亦唔可能o係20名以內,一分都攞唔到,而HUSHOVD自己就靠中途衝刺點分過頭領先綠色戰衣榜~
今站CAVENDISH一樣靠隊友帶佢去到最後幾百米仲o係頭位,不過隊友比之前賽站更早用盡體力,要CAVENDISH自己提早衝刺,我好擔心佢KEEP唔到爆咁長距離咁長時間,聽barry講佢就用左室內場地賽的技巧,用細d齒輪比,keep住輕腳高轉速維持長時間高速爆車,相反HUSHOVD及其他對手就用住大齒輪比重腳左,無佢可以爆咁耐,結果又俾CAVENDISH衝多一站冠軍!在上年一鳴驚人之後,今年有站都俾人請佢坐包廂,困住佢o係車堆中間唔俾佢出黎衢,不過佢仲可以cut個大外檔衝返個第3返黎,加上踩左咁多日,已經無咁多車隊妹仔有力上黎圍佢請佢坐包廂,佢要衝真係無咩人阻到佢,聽日HC級山又洗預佢,不過最後一站返巴黎跑香謝麗舍大道睇下Mark CAVENDISH可唔可以衝多一站冠軍~剛打破英國車手o係環法攞8個分站紀錄o既佢,可唔可以攞埋第10個,攞唔返綠色戰衣都唔緊,跟本就無一個車手就算綠色戰衣HUSHOVD都要衝輸俾佢,o係我心目中,佢先係真正的衝刺王~!就好似我鐘意o既巴塞同亞仙奴,世上多數人只會著重球隊o既成績,但過程踢得是否悅目,組織漂亮先重要,唔係嬴波唔重要,不過如果只係要羸,過程沉悶或贏得肉酸,不如只係睇精華算啦~!又好似Mark CAVENDISH,唔係只係靠中途衝刺分,係實實在在o係大家面前無論先發定後上都衝羸,堂堂正正o係你面前衝羸你o既,先係真正衝刺王~! o係你面前用組織入滲,搓散晒你個後防先入你波,先係好睇足球,唔係一個球員遠射呀,死球頭槌撞散你黎入,洗鬼11個人踢呀~
衝羸o既姿勢係幫sponsor介紹HTC電話 /幫埋Oakley賣廣告~

衝刺王綠色戰衣都唔夠衝,邊個先係衝刺王呢/剩下一顆旦旦的最強的男人Lance ARMSTRONG

22July2009_香港日偏蝕~

尋晚點幾鐘,barry先生提出上鳳凰山睇埋日出同日蝕,我竟然話好同佢一齊癲~一瞓落床就少少頭痛即刻想縮沙,點知我打俾佢,佢話已經推左另一班fd,唯有頂硬上,瞓一陣先,點知因為心知踩屎竟然瞓唔著,4點幾barry到左打俾我但係我未瞓著過,佢仲好善良話佢自己去,黎到先放佢飛機我就真係好PK,所以都係頂硬上,去7仔食件三文治就出發,東涌道上,未上到已經休息左兩次,o岩o岩件三文治令到我d血去晒個胃,仲胃痛,中途見到平少少o既位就停,停左兩次~
上到頂佰公坳,要由右手邊抬車上樓梯上鳳凰山,上左幾十級去左第一個亭,已經半死,休息一陣,見仲未到日蝕時間,諗住上多一個亭,上左一半已經頂唔順,加上見到個太陽就快高過大東山,下面個亭都應該睇到,都係打道回亭,不過原來未出太陽個山真係好潮濕,踩到上佰公坳個頭已經濕到滴晒水,吹左一個鐘風都唔乾,太陽一照到就乾晒~
一到步就試下用太陽鏡睇,結果要直望要用4塊鏡片加硬碟靜電袋,影相同拍片用sx1is真係唔多得,快門最怏只係得1/2500秒,最細得8光圈又無內置ND Filter,我亦無買ND Filter,PL,要用2塊太陽眼鏡片加上有雲先拍到,好惡攪,仲要原來超食電,原本4粒電好快玩完,帶左4粒宜啤都未玩到蝕左一半已經無電,但係亦都無雲有電都影唔到,鬼叫我窮無錢玩DSLR咩,結果用眼睇到蝕左3/4之後開始退o既時候我地就走人~
其實日偏蝕到一半已經減左好多光,不過一路睇住就唔多覺暗左,不過最明顯就係太陽幅射少左好多,明顯地涼左好多,俾個太陽兜頭晒住,我地仲2百幾米高,近太陽之餘但又唔會高到凍過海平面幾多o既半山位,都一d都唔熱仲好涼快tim~
不過barry架車上黎時已經發現佢條尾呔真空呔都竟然生仔,落山我行後,條友叫我見到佢條尾呔有咩事就大聲叫佢,又話落慢d,點知條友一開波已經好快,我落到57KMH已經唔敢再快要break,佢仲係好快飛左去,真係有咩都叫唔到佢我都57,佢真係應該有60以上,條呔有事就真係死左啦~
相http://picasaweb.google.com/umistudio/22July2009_#

影玩具

一shot過,無retouch架~

人工減,但物價反加~2

另一樣o係我減人工之下加價劈我一野o既係貓砂,用開o既cat's best由我初時買$69,到而家$85一包,又貴左,不過聽barry開用下新野小麥貓砂,仲貴$95一包tim,由於吸水速度唔快,佢地d液體好易滲到盤底,係結得好實,但係痴o係盤底o個d又實又難剷,要放好多好厚先可以o係滲到盤底前吸晒,咁就好好用,又大陣麥味唔多聞到佢地d好野d味,不過咁就代表要keep一定數量o係屋企,又係錢T_T
仲有barry俾左一包自稱世界最好貓砂corn砂,尋晚先第一次用同剷,世界最好?唔係好覺喎,而散情度比cat's best好dd咁多多,吸水速度係好d,不過以佢一百零幾蚊先得3kg一包,真係貴到痴左線~
corn砂 > cat's best舊包裝 > cat's best新包裝

NEW YORK

Taste的NEW YORK芝士餅,不錯的哦~

人工減,但物價反加~1

我之前仲話本來俾貓地們d貓糧INNOVA貴,點知因為一次食晒o既時間咁o岩我去開o既寵物雜貨又無貨,結果o係一次同barry o係灣仔睇貓物時去左一間叫富貴貓o既上樓鋪,老闆係一名口才唔錯,講咩都好肯定好權威性咁o既男子,見我要搵糧,就推介新野core,一包5.4kg要$380,5月頭仲要加價到4百頭,真係我之前太孤陋寡聞,貴過innova啦,量又少~!
巴之閉老闆繼續吹呢隻core又咩50% protein,又無穀物,超勁漁油香味,好似好正咁,barry家的貓地超鐘意,不過據佢講佢地食左甩毛甩多左,而我家貓地食左無咩特別甩得多毛,而且仲唔係好鐘意食tim,其實我覺得呢隻野都幾搵笨,50% protein,但係我家ALICE竟然食左仲瘦左,有d古怪~~既然係咁,再換糧啦,一於試barryさん推介的fromm,我前年寵物用品展攞左包fromm鴨肉試食包俾佢地食,阿茶呢條雜食精竟然唔食,alice就照食唔理咁多,不過fromm都唔係平野,三文魚味6.8kg要成$396,比innova都係貴,不過fromm細粒d,唔似innova咁大粒,3位傻瓜成日咬到粒餅碎晒但係d碎粒又唔食,剩到一兜都係,成日要我用人手迫佢地食晒佢~!
core / Fromm / Innova

六四20年

今年最多人,都係多得特首呀,高b大學生幫手推人去表達意見~

唔好講咁多,我就無見到有任何相片影片睇到學生用武器傷人殺人,對住一班無武器o,無殺人既平民都開鎗係"一定"唔o岩,唔好理d學生阻唔阻住你條街~美國佬咁鐘意玩鎗都要等人地對佢地開火先可以shoot back啦~

皮旦瘦肉麵~

兩年前,hiphy姐介紹o既好食皮旦瘦肉麵,地點係東涌馬灣涌村東昇樓對面911餐廳(個名真係衰到呢~)

生麵底連冬飲$22,丁麵好似加$2定$3~

Adobe

上月adobe攪左個介紹會俾hkipp會員同幫手,仲有一個抽獎,送一個lightroom,不過世界係咁,又係買左o個d人抽中~
跟住叫我地填張問卷,話可以換份紀念品,今時今日2009年,adobe竟然送本notebook俾你,真係問你死味,慳返d紙啦,唔送野無人怪你架~

經濟不景我竟然買了新電話~

4月尾,因為公司已經兩個多月沒有job,所以老闆叫我一次過放晒上年沒放的大假,基本上我上年間中就請一日,應該有用左3日,不過佢唔同我計,一次過俾我放左6日,唔計星期六喎,因為知道佢有jobs傾緊,大假中有機會見工,不過新工要我一星期後就返工,我諗老闆唔會俾我即走,我就推左工都無見,點知返工幾日後(總之就係我換左km900之後)老闆同我講,話佢無job,之前傾o既都無晒,話如果我搵到工可以即走,如果唔走就每星期少返一日工,扣人工,仲有一個plan係少返2日,再扣多d,睇下頂一兩個月如果有返多job就回復正常,如果都係無就byebye啦,所以現在有在搵工,不過唔多積極,因為我有藍咭,打算去就近映灣園做個保安頂住先,都ok架,8.5小時工作上班日有$12交通津貼,都有大約8k5人工,不過我就係見唔成工,所以我真係唔知我仲可以做咩,半張it紙都無,連裝寬頻都唔得,讀又貴,睇黎我就快要去讀中年再陪訓~_~

講返電話,一出糧就買,完全未知有cut人工plan就死去買,去衛訊trade in部垃圾n95竟然可以有$1400,即係俾$1900就可以出機,多謝barry又陪我去出機^^,送奇華糭卷,部機本身出廠已經有螢幕保護貼,不過衛訊都仲送多一張俾我日後有需要就貼,機套會送不過未有貨,遲d帶單去攞,km900本身已經跟2舊原裝1000mah電,另買都係$180左右,真係好過nokia d會爆炸仲要得800mah仲要買成$396 o既多多聲,衛訊跟俾我o既4GB micro sd只係class2,不過我用class4都好,km900要load sd o既野都係慢,其餘其實都幾ok爽快,480x800真係畫面精細好多,睇片support 720x480,用hd片去壓睇出黎真係好清好精細$3280係貴不過唔係超貴同其實都ok值,出機前睇網上d介紹話佢用amd的晶片,又多一個我喜歡的理由,open os係好係好多software裝,不過有用o既好多都要買o既,免費o既好多都無用/唔好用,如果好似s60咁白痴,連來電大頭相都要裝software先有就無野好講,我諗到最需要裝o既就係map同字典,下下用google map上網dl都好煩,lg s class就係要lg自己有提供先有得裝,而家只係得好少game有得裝,唔洗買,不過要扣會員點數,所以我咩都未裝過,people個gprs又唔support佢個google map同lg mobile個wap,都ok古怪,不過如果有朋友想買我就唔太建議,因為佢個cs真係好唔掂,跟手機o既部門長期電話錄音仲要係爆左個留言信箱,維修部d人又成日唔聽電話,正~新玩具又影左d相,有興趣就去睇下啦http://picasaweb.google.com.hk/umistudio/LGARENAKM900#

我家的貓廁所

上次bbq講開我家o既貓廁,我表達能力有限,形容唔到係點o既,今天post相同片,希望可以令大家易明d~!
我家的貓其實非常不幸,因為我唔俾一個普通同正常o既貓廁所俾佢地,
係要整個麻煩又有難度o既硬膠野(真係硬膠黎架)
日本Richell,有粉紅色同粉藍色,我家3隻貓,2個呢款o既都係粉紅色~

絕對唔係我發姣,第一個買o既時候o係官塘apm間紅蘿蔔買,佢得呢一個,搵多個都無,而第2個其實係我送俾barry家用,佢地揀左粉紅色,到我接左小鏡返屋企之後,發現要買多個,咁o岩barry話呢個野唔多o岩佢家d貓用,所以送返俾我,結果,茶,alice & 小鏡都要日日面對呢個佢地都唔多鐘意o既野大小二便~_~
我買呢件野,完全出自我o既自私,因為普通o既貓砂盤係會令我發癲,無頂蓋的話,對某d興奮到不能自控o既貓,例如阿茶,抓貓砂十分大力,佢本來抓貓砂就係為左掩埋佢d屎屎尿尿,但係佢就興奮到大大力加大大動作連d屎都抓到飛晒出黎,如果個人好攰返到屋企見到一地貓砂同幾粒屎,真係會痴線,但係有上蓋o既屋仔型廁所實在太大個,係我唔買有蓋o既原因~!
另外一個原因係因為我o岩o岩帶阿茶返屋企,佢都唔知有無一個月大,佢係一隻聰明仔,因為無咩準備,只係用左個膠食物盒同求其o係惠康買左包貓砂,佢已經即刻識用,不過我發現佢小解係坐落去d砂度痾,貓女可能問題不大,不過貓仔個器官會直接掂到/好接近d砂,如果d砂唔多乾淨或者自己懶唔係晚晚清貓砂,佢就可能因為接觸到d唔乾淨砂而患上尿道炎,當然唔一定有,但可以減少風險就更好啦,加上我估唔到原來自己唔算懶真係晚晚都幫佢地清貓砂(無返屋企除外啦)~!
因為咁所以揀左呢個貓廁所,基本上佢地無可能坐落d砂度,減少尿道炎機會,仲有佢地要伸手入去抓砂,又有層板檔住,唔會抓到一地貓砂,我介紹左俾Lun少之後,即刻解決左佢屋企阿貓整到一地貓砂o既問題,總算o係我人生做返d有建設性o既野~_~
不過呢個廁所o既弱點係因為無蓋,如果佢地d屎掩埋得唔好,暴露o係空氣中就好臭,即使我用左吸味幾好o既木貓砂cats best,掩埋得唔好都係無用~講起cats best吸味唔錯之外,吸左尿會結成一舊比豆腐砂結實好多o既野,無豆腐砂咁易一剷起就散晒,可以方便d剷起,仲可以沖落屎坑,真係幾好,可惜得紅蘿蔔,q pet成日有貨,其他都唔係太多店有,而紅色幼粒比紫色袋粗粒易掩埋d野,又易買d,呢件就係我人生另一件有建設性o既野,介紹左barry用,等佢放棄左d古怪水晶砂~!

送上以下呢條使用示範,拍阿茶係因為佢最早(即刻)識用同用得最乾淨,而且佢唔怕o係我面前做任何野,包括我唔俾佢做o既野,例如跳上電腦枱推我隻mouse落地-o- alice姐去廁所一見到我就即閃,拍唔到由頭到尾o既過程,而小鏡更係用左一年都未識用,有1/5機會會痾左一兩粒o係塊企板度,而且佢總係會差左一隻後腳落d砂度,成日痾到patpat附近d毛都high到,而家要常備濕紙巾幫佢抺patpat~_~

仲o係度~

2009年3月7日晚,爆多謝咁多位12team成員幫我慶生,雖然o個晚有d雨,不過仍然燒野食,好彩口口0呂大雨,竟然仲有旦糕食,認真開心,再次多謝晒咁多位靚仔靚女^_^百忙次中都抽空出黎,多謝晒~!
其實我生日係3月3日!不過3月3日當日都要多謝jason請我食飯,去左n年前蔡瀾已經推介過o既佐敦尖沙咀o個頭o既鳳城食扒,結果當然都係我一向都覺得蔡瀾只係一條粉腸,佢o既推介亦係把鬼,一塊好林好多肉汁o既西冷,不過唔講我真係唔多知係牛肉黎囉,只係一舊無牛味o既肉,唔係食餅要有餅味咩蔡さん!?
仲有多謝barry o既潮語學習卡,其實合野都香港話多過潮語,因為有好多勁out o既野,亦有好多近期o既香港古怪話無收錄,不過都係多謝~!
不過真係好彩唔洗上青海高原影野,bbq完第2日朝早先o係黃大仙走,遠一遠見到e22就埋站,就追過去,點知上到車心跳氣促仲頭痛tim,我諗我真係上左青海仲要搬器材上雪山~~我之前同人講少話可能返唔到黎,仲俾人話真係死就抵我死,我諗如果真係去左,應該真係死~!過左一個星期,星期日去踩車練返氣,點知去去下後腦好痛,要走埋一邊休息,仲暈暈地,油站有職員見我面青嘴唇白,問我洗唔洗call白車,同barry傾左個電話,蟻速出返東涌就好好多,不過o個d陰住痛,痛到今日都仲有少少,下個月body check啦要,不過都應該都真係心臟病,我d咁o既生活習慣衰到,都無變大肥佬,應該都係心血管病,睇黎我真係係時候轉工啦~日日食無定時加上一係辛苦到爆加無時間瞓,一時又得閒到無晒野做但又唔肯早瞓o既生活應該要變下~!
今年31了~~

H3D壞左

小弟3年前,有幸搵到工,成為做左攝影行頭十幾年,不少廣告公司的ad,cd都識o既攝影師CK Wong o既助手,o係呢個做"香港專業攝影師公會"HKIPP o既早期會員了,呢個hkipp除左近年有某patpat鬼走出黎做左會長,玩拉大隊北上發展,每年攪下幾個相展,出本image年刊,仲有個x,mas party之外,真係唔知佢地有咩做,除左收會費,出image要自己晒相之餘仲要逐版計錢,錢真係收唔少,而家竟然有個投票,攪到一d本來唔多理個公會o既會員成日開會仲嘈之巴閉反枱咁濟,唔知係唔係個會太多錢,竟然打算攞d錢去玩投資,咁Q多錢,點解唔做多d幫攝影師o既野,如爭取下d低息貸款,攝影器材公司多d優惠,制定行業制度,幫d俾客走數o既攝影師諗辦法,助手訓練之類~可能有做我唔知啦,我又俾唔起錢做會員~_~
反而最近因為公司新買o既Hasselblad H3DII39壞左,而且送返丹麥都整唔返,結果要換新機,呢頭仲諗緊,買o既時候就好好服務,送機上門教點用,呢頭未夠3個月,買就16萬銀,要整又借機就要攞去佢地公司,仲想講佢地無售段服務,但係尋日上去因為整唔到要換新,要攞返舊盒上去換,換完跟手阿工程師俾左張卡片我,叫我可以約幾個fd,同為助手or freelance,可以約佢上返石利洛接受佢地產品o既技巧訓練,例如點樣因應數碼back去打燈,相機,軟件操作,仲有佢地因為亦係broncolor代理,新燈新power pack點用,h3d個digital back點裝4x5機玩都可以安排有得玩,幫d攝影助理點樣幫老闆順利工作,真係幾好,而新機當然都係狀況良好,因為試機我又順便影下部電話,不過因為我懶,50mm~110mm最近fouce位都好遠,但我又唔想攪咁大個地,落左extension tube玩marco

原file 100%原大corp一格1024x768出黎係咁o既

另外因為石利洛而家位於港島中心,就係o係華蘭中心隔離座新大廈,好高級,無行人路行去入口,而要同d車一齊行馬路,d 上37樓以上要轉lift,我上42樓,除左lift門,外面仲有一度磨砂玻璃門,好似地鐵車門咁後退少少再兩邊燙開又著白色冷光,好高級,不過真係有d多餘~