不知道自己發了什麼事,最近一年很多小毛病,有可能是大病的病徵,可我沒有處理(處理要錢的 ~_~)
最嚴重的是失眠,基本上經常都發生,加上最近某12樓的鄰居經常在窗邊聽收音機,唔係好嘈,不過我聽得好清楚,基本上就是沒辦法睡~沒精神,人也沒動力,基本上只是在等出糧去吃次好點的飯,買點好點的東西,這次由於自己在"超級甩毛怪大戰中"失敗了,結果變成完全不想理的地步,但是由於有一次在找不知去向的KSC Glock 17(我不是深水埗那公屋軍火庫的老頭)的時候,發現床下放wargame物品的旅行袋(我不是省港旗兵,用旅行放鎗)鋪住5mm厚的貓毛,而且要清理也很煩,結果決定買吸麈機,本來打算買幾百蚊的就算了,不過經過不斷google,download user manual,首先網上無得dl manual的先刪除,用塵袋唔考慮,因為要洗/唔知俾幾多錢買袋,而且換袋時d塵會飛返出黎,真係煩爆~
最後剩餘選擇不多,然後一次跟barry去各大電器店睇實物,仲o係某間百老x,拆散晒d機黎玩,攪到唔少店員過黎睇下我地想點同玩夠未XDDDD
之後發覺好多都十分兒戲,再上搵到LG有個"吉姆頭"幾好,又有英國某防敏感認證~
 |
| 呢個唔係吉姆係咩野!? |
 |
| 個樣真係同山寨野無咩分別,隻色真係"娘"爆~ |
而且用塵袋,不過佢有個設計,塵袋係有活門,換袋時不會由袋口噴塵出黎做成二次污染,而且有好多youtube片睇佢做功好好,除出風口外,其他地方無漏風,而且出風口的風基本上好乾淨,不過一個袋可以用到幾耐係唔知,一百蚊4個連前後filter的確唔係貴,不過條數有排計~
最後選擇了Dyson DC26,無塵袋,filter可以永久使用,水洗就OK ,樣無咁山寨,好細部,1100W有公司部1600W吸力,即係又細又大力又用少d電~亦唔會有水過濾機的問題,就係要即刻清洗,唔係會變細菌溫床,而且會變臭,不過佢個透明筒見到入面有垃圾,真係太礙眼,基本上都一樣即刻洗~不過部機真係好貴~
 |
| 細部係喜歡o既原因~ |
 |
| 一次吸鑽牆灰塵之後,變左磨砂~ |
 |
| 華人o既立場黎講,咁貴咁細好唔抵~ |
