年紀大,機器壞~

年紀大,機器壞~
最近超級多問題~
最近的確好多問題,右膝頭啦,腸胃病,不過最近兩星期右腳最尾兩隻腳趾俾真菌感染,即係香港腳~_~
對手又唔知做咩起左好多小水泡,上網睇過同醫生話係煮婦手,因為多手自己整穿晒d水泡,基本上十1隻手指頭都係發炎,遇水即痛,面次扭毛巾都痛到想死-_-b
對手可能係因為o係公司搵到d陳年舊衫掂到手指公個傷口~而腳呢,就真係唔知係唔係去左某休閒中心無著鞋行左幾步就中左招(o拿,個場正過正骨水,無某人熟識o既雀仔按摩架~)定係著錯人地對拖鞋,定係返官塘著左我細佬對拖鞋中招呢,仲有去body check o個時度高磅重,做心電圖間房要除鞋除襪,唔係又關唔關事啦~_~
不過總之就係個人長期食即食野,少菜少生果少新鮮肉食,個人抵抗力太差,我諗真係要食返多d菜啦~
不過因為手腳都有皮膚病,終於被迫要去睇醫生,因為唔知去邊度睇好,又問阿媽啦,佢叫我返官塘睇,間診所好細,登記護士兼任埋配藥工作,仲有有個紅蘋果logo幾得意,不過好奇怪間野擺左好多個tvb buddy公仔o係度,仲有部samsung lcdtv播tvb,唔通醫生係電視迷? 不過佢應該無時間睇啦,唔知有無睇錯佢診所得佢一個醫生,診症時間竟然係早8晚11,而且醫生佢好耐心聽我講野,又同我講好多野仲要一d都唔趕時間,同我傾左好耐,仲發埋我人太緊張堆滿壓力,叫我醫好皮膚再返去醫埋精神緊張^_^
唔知朋友們係唔係覺得我係一個悠閒怪壓力+0的人呢?其實我係個超級緊張大師~_~
**官塘協和街醫健醫務中心,跟個某cute o既迷你環保袋我裝藥,真係問你死未~

東涌地皮紀念~~

東涌映灣園對出地皮紀念~~
此地皮位置優越,面向機場及對出海面無敵大海境,交通方便,有offroad路面及短短的offroad碎石上落斜坡,適合我呢類買左架避震車但係又唔想入山玩的怕死怕辛苦人士可以去俾架單車個前後避震活動下,同埋俾自己震下~_~想換呔亦大可以去跑下碎石路,睇下會唔會俾d廢棄物鋼筋,玻璃鐵釘插穿條呔,就可以大條道理向財政大人申請撥款換呔~
地皮好大,政府賣左邊一忽我唔知,不過應該好快就無得再踩車入去hea遊實在可惜,呢度多外國散步放狗晒太陽,亦有金髮美女o係岸邊石堤睇書聽歌吹海風,日落斜照景色不錯,希望發展商唔好咁快開工啦~
不過呢,就算唔起樓,無敵海景遲下將會不再,因為港珠澳大橋將再o係呢個海出現,橋墩工程已經做緊,遲d望出海就見到一條大蛇浮o係水面,都咪話唔核突~
*大橋工程海上工作台~

終於有錶帶~

由上次阿銀送我的pro trek壞左之後,差不多4年無帶錶,因為有錢都係洗左買其他無謂野,一直想買隻錶,不過因為老闆無生意扣左月薪後都無諗過,不過因為barry非常幫忙資料搜集仲陪埋我睇錶之下,o係銅鑼灣某店,有個好親切o既老闆娘同我介紹左一堆佢話付合我預算o既錶,casio ok丫,帶上手都幾好丫,反轉個價錢牌一睇~玩野呀?千7銀? 同我講左o既預算6百樓下高左一大截~但係老闆娘的確最後篤左個6百以下o既數俾我睇,ok就買左,不過老闆娘講o既係行貨就有d取巧,因為事後我上網睇下,亦打左上代理問(casio香港有幾個代理)佢講o個一間代理係跟多一張獨立的保用證,不過就算無都可以俾上環間代理整,不過唔係佢地行代理o既就要收錢整(即係只要唔係假錶都可以收錢整)即係我買左水貨啦~不過其實佢俾個咁o既價我都預左架啦,總之有返錶帶個人都好似踏實左(當然係心理作用啦~)不過個人無時間觀念就放到一屋鐘錶都係無用o既(對不起各位,我仍然經常遲到~_~)

ultimate ears super.Fi 3 Studio + 微光~

呢對ultimate ears super.Fi 3 Studio買左剛好兩年,條原裝耳機線一如以往,一年了多d就byebye了,仲要我自己人手拉斷左,當日即刻急電基少問問意見,結果聲佢講上左金聲睇睇,不過係銅鑼灣店~飾櫃入面有條橙色o既物體十分搶眼,就係傳聞中o既橙子線,不過要價6百實在太貴了,我的sf3才7百多,不過因為睇完基少的blog見佢買左新原裝線,我就想打消買返原裝o既念頭去試新野,因為可以問基少借黎比較一下嘛,在此亦鳴謝基少捐出的兩節耳膠同怪獸耳膠^_^
微光線個人感覺細節同原裝差不多,低音弱左少少,不過人聲推前加大左,不過講呢d咩:"高音純中高準低音勁"o既高手對白我就唔識,個人對音質唔係真係咁分得出,因為當年跟第一個攝影師o既時候,佢一影野一定播歌,而且超級大聲,基本上聽唔到人講野,所以睇怕已經炸傷左對耳,聽力唔係太好,所以我聽歌係要好大聲~只不過亦有基本要求,最少nokia n95播歌已經不能接受,雖然我部ipod photo都唔係咩靚聲野,不過都好ok,因為上次同基少去"翼牽"睇發佈會部新機貴到咁真係無錢買,仲要我set一大輪,如果用原廠setting就同我部ipod無咩分別,呢d野都係中左6合先買啦,而家用住ipod先都仲ok~~
微光線$188