恭喜晒barry又添丁~~~^_^

恭喜晒barry個魔魔媽又添丁,又四隻小b,有排你辛苦呀,加油~~~!!!

送你兩隻貓脾!!!

11月開始學日文,不過好攰,返完工返學有d辛苦,好彩一星期先一晚.

之前玩過samson部i pod touch,部機d介面好用加反應之快,今人玩得十分開心,
亦我令我覺得自己部n95形同垃圾,介面唔user friendly,反應慢,無touch screen,

要放大同想打橫個mon睇,慢慢按按鈕,人地一擰橫部機就自動黎,放大直接用手指拉大is ok,以後都唔會再浪費金錢玩nokia d野,有好多software裝都無用,9成要俾錢加上個個都係無謂多過實際,打機都係psp,nds,聽歌都無i pod啦,gps都係外置啦,廿分鐘先定好位,我走左9世啦!!!

12月1日又再同天下的舊同事bbq,感覺幾好,不過入到西貢咁遠都係離唔開facebook,不過可以add晒各位都係好!!!

經典動畫小雙俠~

成30年歷史o既小雙俠,2008年1月14日會有新一輯播出,真係估唔到,新世紀又出新劇場版,唔知機動戰艦會唔會再出新ova呢!?

http://www.tatsunoko.co.jp/yatterman/index.html

天下時代的膠file自製頭罩

經過左3日,alice已經好好多,傷口唔太大,搣左膠布,當然無扯到傷口慘叫啦,不過佢胃口係好左好多,連續3日食罐頭,而且開始適應個頭罩,唔知有無人認得我呢個自製膠 file頭罩係用邊個file呢!?

ALICE也絕育了~

手術完了,回家的車程上沒叫過一次,可能真的大攰了,回到家之後悶悶不樂,完全,無晒心情,亦唔想食野,水都唔飲,又有d心痛,不過此終都要做,不如早d做好過等佢發情時辛苦一輪,再desex再辛苦多次,第一晚要用針筒先迫到佢飲水,又唔食野,不過好在第二日佢已經肯食野,夜晚俾罐頭佢分左好多次食左好耐,不過都叫食晒,不過都係唔肯飲水,要加水落濕糧,今朝早一起身,放佢出籠外行陣,佢終於肯飲水,都放心d,不過艱辛的14日才過左2日,希望佢乖乖地啦!!!

十月一日の踩單車上大佛

又係一年一度o既十月一日踩單車上大佛,今年第2年去,因為之前右膝出現問題,所以由東涌到深堀的所以大斜路全數唔踩只係推車上,諗住留待深堀道先踩,點知o係深石試下右膝可唔可以負荷時,就出事,痛到踩唔到,要推埋佢,o係深堀休息過合照過後,考慮折返定繼續,最後都係繼續去,用最輕腳上,不過都係痛,去到1/3痛到要停,咩方法都試下,最後拉高支坐管原來ok好多,可以忍住少少痛上到大佛,最可惜今年小泉贊助o既大抽獎抽唔到獎,不過都有人請食豆腐花及有人請飲o野!!

不過落山原來痛過上山,因為石門甲多樓梯,行下坡及下梯痛到傻,希望可以盡快好返啦 T_T

caramel crunch

9月29日係阿媽生日日子,衰仔我無錢好似我細佬,又整對二千幾銀o既耳環俾佢,之前見蘇施黃o係一粒鐘真人蘇介紹佢為一一個鐘意食o既cake,咁就訂個黎食啦,不過要2lb一個,不過當食o既時候,發覺都唔係咩十分好食,可以說質素係好,但唔係好好食,d cream實但又唔係硬喎,而且唔多甜,所以係幾好食,不過個餅底唔夠鬆軟,d crunch大甜,唔得,不過可以唔落,另外就係太大個,5個人都只係食左1/4個,不過都係覺得,如果唔知有幾好食想試的話,我諗可以慳返呢三舊水!!!

終於都出~灼眼のツャナ2

10月4日,MBS木曜日,深夜1時25分

綵燈晚會~~~

星期六晚同小泉一家,子健去左東薈城個新美食廣場"大食代"(個名真係核突到呢~~)食dinner,我去左間叫fusion rice 買左個旦包飯,不過間野d人好似好唔想做咁,我見到個飯出左擺到凍晒,佢地都唔理,唔知點解只係整其他order,係唔整我o個個,激死!!!我地一行人都覺得 d野唔值呢個價,野飲又要另外去一個檔口買,又貴又煩,我諗我以後都未必會再去!!!

我地食野o既時候,講開聽收音機聽到今晚東涌文東路有綵燈晚會,食完飯小泉車晒我地過去睇下,有表演,有免費睇掌,有野賣,有綵燈,不過我都係無咩興趣,最高興係見到雪糕車,即刻買雪糕食!!!

另外10月1日我地又黎一年一次踩車上大佛,barry黎唔黎呀?

好殘忍呀~~~

上星期有日返公,一落街,就見到慘案,東涌果然多痴線人 -_-b

星期六~~~

過左o既星期六,除左一班朋友去左西貢bbq之外,去rb比賽的hiphy o係熱身時炒車,而且炒到入廠仲見埋報tim,真係慘,希望佢早日康復啦 T_T

ARIA出第三部

唔知幾時播呢,可以繼續遊水星^-^

VOCALOID2 初音ミクに「Ievan Polkka」を歌わせてみた

有個朋友send左個咁o既野俾我睇,都幾得意,有無人知係咩黎?

貓樹

o係網上團購左一棵貓樹,本來話7百幾連運費,點知o個間物流公司要另外收左百幾運費,都唔只,仲話送去東涌仲要再加3百,真係精神有問題,結果係自己出去官塘攞仲要自己call van自己搬返東涌,真係火都黎,不過砌起左之後,兩隻衰野好開心咁玩,都叫做安樂d ~~-_-b

朝光街

關唔關朝光社事架?

傻仔x2

新厠所!!!!

都兩個星期前,o係紅蘿蔔買左個新貓厠所,裝左砂,不久茶茶已經識用,不過alice唔識用,仲唔想行埋去tim!所以一路放多個砂盤,不過係地鋪砂又大力又蠢,爬到d砂飛晒出黎,又間中一手差左落d屎度,所以上星期收起個砂盤,迫佢地用新貓厠,點知alice衰到o係我個袋度大解,真係激死!!!

不過近幾日佢竟然識得用個新貓厠,雖然調轉左前後黎用,不過都好,唔洗成地砂^_^b

大個女啦~

上星期有一晚,佢兩個又o係我張床度大戰,當我去鎮壓o既時候,發現一隻牙o係床度,alice換牙lu,不過check下佢個口又唔見有牙甩左,但係d血係好新鮮o既,點解呢^_^b

直昇機

今朝睡醒就聽到直昇機聲,可惜沒有10x zoom的Canon_S3is,家附近見到這東西把山上的東西運回地面,雖然不是太近,不過就十分嘈吵!!!

二貓生活

雖然還是經常打交,不過已經相處得不錯了,可能是我管的太嚴,茶茶的樣子幾時都是十分慌張!!!新買了冷風機,當然要涼就沒什麼用,當風扇還可以,起碼兩小魔怪不太容易把它推倒 !!!

兩隻蠢材近來吃少了一點,睡覺時我把牠們趕下床,現場我們三個都分開地方睡,不過早上醒來的時候,轉身還是手會打到茶茶,腳會踢到alice,不知什麼時候又走了上來^_^b

忘記了~~~~收返埋條脷~~~~~~

有人話貓貓會唔記得收返埋條脷,alice最近就成日突左條脷仔出黎!!!

我康復了,謝謝關心!!!

茶茶已經成功成為太監,謝謝各位關心!!!

My Name is ALICE

咁耐先幫妳改名,唔好意思呀alice!!!

另外,之前以為茶茶做desex無攞走旦旦,只係切左管管,因為佢做完手術個袋仲大過之前,點知過左一個星期先發現開始縮細,原來醫生唔係無做野^_^b

仲有個不幸的消息,alice的哥哥已經去了彩虹橋,希望barry一家唔好太難過,同希望卡樂b繼續健健康康呀!!!

噴到一面都係-_-b

阿茶星期日做左絕育手術,不過個死人頭返到屋企照舊通屋跑,同b女打交,幾驚佢爆傷口,不過都唔係完全無事,呢幾日佢都痾爛屎,前晚佢o係砂盤大解時,咁o岩個patpat向住外面,b女八掛走埋去睇,點知阿茶痾爛野,b女俾佢兜口兜面噴向幾滴,即刻好似俾人淋漒水咁典地,係咁用隻白痴手仔抺面,我忙住同b女抺屎o既時候,阿茶痾完,即刻去聞d屎,打算埋砂,點知佢都係唔知應該點就個頭罩,一野就用個頭罩隊左落pat野度,又要知道中左招自己搵手抺,我真係多得佢兩個唔少 -_-b

阿妹,妳啲睡姿咁肉酸架-_-b~~~

做太監~~

如無意外,呢位傻喱今個月就會做太監,等我地一齊懷念下佢先啦~~~

半夜三更去石澳

星期日晚十點幾,Barry msn叫我攞架車出銅鑼灣踩車,話入石澳食霄夜,話三個鐘o者,咁我又無野做,星期一又放假,就去玩下啦,點知一上巴士就知麻煩啦,我架mtb牛龜咁大,架E11又成車行李,要搬架車上行李架最高o個格,第一次o係市區踩車又踩馬路,我又好耐無踩車,一開波就係咁上斜,都真係好攞命,成3點幾先入到石澳咩都無得食啦,赤柱又掘晒路唔知做咩,出返柴灣o既時候落大雨又無得避,好彩無病,不過臨去到筲箕灣隻腳痛,唔知做咩,今次真係飽晒,飲早茶o既時候,個人已經呆晒!!!

茶茶的古怪睡姿

癲五節~

端午節本來要開工,不過我寧願ot唔要,都要返一日假,天氣又幾好,攞返架兩個月都無真正踩過o既車黎踩,上一上黃龍坑都就快斷氣咁!!!希望快d可以無咁忙,我想搵晚早d瞓~~!!

東涌有時個天都幾靚,尤其今年好似空氣好左d,視野都幾清,有晚返屋企,行小路,望上個天見到幾十粒星,另外呢張相係端午節晚o既,上面兩粒係月光同一粒星,唔係光/死點黎XDDD

B女~~

呢個bb女未改名,唔知叫咩名好呢?

今朝放佢出黎,我再瞓多陣,佢走上黎用佢個身上o既軟淋淋o既毛幫我抺面,即係用我塊面黎按摩,好舒服,但係又好痕,攪醒左我,但我想摸下佢個頭時佢又好驚咁走左去,都唔知佢想點^_^b

咦~~~~~?

英國短毛喵,女仔~~~

星期六黎到,不過有d惡,而且成程車係咁叫,不過好細聲,係朋友Barry家的貓生的4小b其中之一,另外係佢惡過茶茶,阿茶果然係餚底獸,不過都係因為佢咸濕成日想禽人地先俾人fee同俾貓貓拳打中o者~~

好想瞓個好覺~~

呢期狂ot ~~好攰