難得個天清呢~

香港個天鬼咁濁,半年前有個客報一個job想影天上面影o既維港景,我老闆說十多年前影ok,而家原來一年只有6~7日可以景,而且要有人凌晨4~5點臨天光就要推測o個日如個得就要即刻出發,朝早6點定6點半前要影完,因為一多車開動個天就朦,要搵人standby幾日,仲要book直昇機幾日,個價貴到嚇死人,所以個客都話唔攪啦~!!
過去o既星期五,六兩晚,東涌個天好清,有個傻佬望住個天,因為成天都係星,當然唔係o人個超級多同密,不過已經好難得,真係無幾可,結果呢個傻佬click到地下一舊因地面沉降而有一邊升起左o既地磚,差一點就pk了,回到家已經一點,明天還要上班,但就一樣帶支好耐無去過街o既Gitzo腳落街影星,人很累了跑不了太遠,只到了家對面的一片暫時還是荒地的沒街燈區域~
set起晒腳架,相機,再望一望個天,呀真是很多星,打算影啦,突然發感sx1的全手動mode的快門竟然沒有1秒以上的~_~,要用慢快門mode才有15秘可以用,影了幾張15"都不夠光,還是算了,
用ps推到盡都只是這樣,還有20%的星沒出現,不是塵來的呀~

去射月光吧,但是因為我沒有manfotto410腳架頭,不能用微調追月光,因為沒有長zoom的鏡頭或dc,一向都只是看沒有影過,原來地球轉的也真快,星星15秒已經跑了一條直線,
用盡20x zoom + 4x digital zoom,只是15秘就跑了這麼多

當我將月光set在對焦點時,鎖好lock位之後,月光已經有一半跑離了對焦框了~
竟然 iso80 f8 都有1/25秒

影了一會,突然俾一道強光迎面照過來~可不是ufo,原來是兩名警察先生,還驚訝的說:嘩,影個月光影得咁靚o既~!我沒告訴他們放進了電腦就唔靚的了,只是說今晚個天好清嘛!兩位走了一會,我發覺身後的樹林發始有東西走過來,對面山的狗開始吠,看來要來接管地盤了,只好拿起腳架走人了,兩邊不斷有新的吠聲出現,當我走到有街燈的馬路,回頭用電筒照一下,我剛剛影相的位置已經有兩只狗望著我在吠,還是快點走吧~
回公司問了一下老闆點影,他說要有個赤道儀,還要計經緯度黎追,因為要曝光好耐,噢~要計數的嗎?還是不要好了,我是數學白痴哦,還是影白天的東西好了~
公司位於21樓,再上就是天台了,公司後面有個大露台,向海,海的對岸是將軍澳,風景不錯的~

但是望去接近杏花村的對岸,不知道是什麼地方,有人知道那是什麼地方嗎?

遲來的好充實的1月-,-

2008年12月31日,最後一天的2008年又回到了官塘,在洸少家中跟天下的舊同事一起火鍋,

而且o係洸少家的騎樓竟然可以看到中環ifc,而且還看到ifc煙火倒數,迎接2009年~遇上barry女友幫我攪返黎o既canon sx1is,拍到了ifc的煙火倒數,因為事前不知到看的到,沒有帶腳架~

仲有多謝叮叮小姐打黎講新年快樂同埋問我係唔係上左大陸玩女人,唔該晒~
本來之前聽tony講會去到第二朝飲埋早茶,所以之前一晚我都玩到天光先瞓,不過到半夜大家都走了~而今年我一樣係無準備到禮物作交換,不過又係多得apo,她每年的禮物既豐富亦有趣,只是她本人不想要那些東西而已,結果她又分了一些給我作為交換垃圾禮物的禮物,結果抽到了ching yee的winne the pool的小暖水袋,可惜貓貓們對它一點興趣都沒有,本來以為可以拍到貓貓攪住個暖水袋的照片-_-
另外因為我想要apo的初音ミク的馬克柸當天也被我騙到手了,謝謝妳哦apo~

臨天光回到了東涌~還沒有睡意,所以在等2009年第一個天光,影了相先去睡~

1月2日放工跑到荃灣買貓糧,innova轉了新包裝,由7.7kg減到6.8kg,價錢加了5元~

因為相機還是新的,所以每天都在玩,不過其實都係好少影相,把一些相貼上了討論區,分享一下sx1的相片質素真的不太好,不過20x zoom實在不錯,而且是28mm~560mm,本來fujifilm有一部s2000hd都有15x zoom,而且只是2680,水貨好像不用2千元,不過就是無熱靴插閃光燈,也沒有扭扭lcd,但是我就是有canon 420ex閃燈,所以還沒有放棄c記,雖然sx1的說明書已經沒有寫能支援我的420ex的E TTL,只支援430exII以上的E TTL II,不過都仲可以支援zoom及閃,不過可能要加1級左右閃光補償~!不過它的28mm~560mm再加4x digital zoom真是有夠強~
28mm & 大約50mm~80mm左右

560mm & +40x digital zoom

1月10日同tony,仁少慶祝生日,去旺角唱k,我照舊係唔唱o既,咁多年無去過,原來而家neway d野係食得o既,雖然食得o既甜品得幾款,不過我都食左6柸朱古力慕司,而o個日間房真係細,真係要排排坐,唱歌我個人真係無咩興趣,反而對佢地大堂部ps3 + winning有興趣~!無帶相機,所以無影相~!另外多謝晒tony,洸少同德少陪我去bar睇埋場亞仙奴~
寒冷天氣警告下,小鏡雖然仲有d驚我,不過佢已經發現左我個被窩實在ok暖,俾左個入口佢,佢真係行入去瞓~不過我怕夾死佢,所以重施故技,揾隻adidas波祙整件衫俾小鏡著,仲整多隻俾阿茶,開頭著阿茶勁憎,仲fee我tim,不過第二朝佢好嗲喎突然,想我幫佢除?無咁易~~

小鏡一歲大~

小鏡一歲大了,雖然應該係12月6日o既事,不過因為當時o岩o岩部g3壞,無咩影到佢生日前後o既相,因為呢隻貓貓o既行作太快,講真而家有部sx1is,對焦快左n倍都係追佢唔切,不過就可以再行遠d影佢,其實因為呢個衰妹好似一開始就已經極之唔鐘意我,不過一年之後,已經由我申手去摸佢,佢就即閃,到而家ok,我申手摸佢,佢都俾我摸,亦會開始我瞓o既時候,走上床o係我身邊四維行,關係ok左好多~!
另外由於而家實行定時放飯,唔到時間都唔俾野佢地食(大家睇下阿茶幾大個肚腩,alice成隻豬咁肥),黎控制佢地o既體重,因為醫生話alice太肥,咁o係夠鐘之前佢地肚餓會叫我(喵~餓死貓啦),但係因為肥茶成日叫加叫聲太大太煩,佢叫係會俾我鬧,而alice係會好可憐咁,用對亮晶晶,有個小宇宙o係眼珠入面好似嘉美尤咁o既眼神望住我好嗲咁叫,不過我見到佢成隻野豬咁肥,我就真係啋佢都傻:p
呢個時候小鏡就做左代言人,佢咩都唔理,我對住部電腦o既時候,佢就上貓樹去最接近我o既位置叫,又唔理佢o既話,佢就直接行上我個keyboard附近o係我面前叫,唔理佢都唔得,朝早o個餐,如果我未起身,佢直接企o係我心口對住我叫,我通常都會回應佢o既要求,因為佢雖然一歲,不過佢就過瘦,因為佢唔係食好多野~
另外睇到barry屋企阿吉吉大咪到呀~大家都係一歲,吉吉就快大隻過老豆咕咕,小鏡仲係唔夠alice大隻,希望小鏡快d大隻肥起來,唔洗同家姐玩佢打交o既時候俾家姐大蝦細~唔知點解alice真係唔鐘意小鏡~
alice & 茶

小鏡

陽光太猛,撐唔大對眼,睇落就好惡