突然空閒

最近實在很奇怪,以為好得閒o既時候,就十分忙,預計會好忙o既時候就突然好得閒,上個月去左東莞工作左4日,當然辛苦,倒x咁早起身,出面凍死,廠入面就熱死,一堆又重又有爆炸危險o既垃圾power pack,仲有收左工老闆又要o係我地間房睇相,真係頂~~你唔洗搬野唔洗瞓,我要架!!
過左一年,我有一點獎金,因為我老闆唔捨得出雙糧,唔洗指意有人工加,而獎金因為之前老點左家母簽約出左部nokia e65,但係家母話唔好用,用唔掂退返俾我,我為左補救我呢世人以來做得最白痴o既事(買左兩部nokia機),最後買返部w910i俾佢,獎金亦已一筆勾銷,有人會話nokia我覺得唔好用係因為我唔識用,但係部部w910i俾我媽用即刻上手,部n95我而家都覺得佢麻煩,s60係好多功能,不過d功能都係靠裝program,而多數要俾錢買,機本上只係多左個20min先定好位o既gps用802.11b,os強大(我唔係好覺)但hardware追唔上令到反應慢,其實係無咩意義,今次真係蠢爆!!
大年初一同朋友睇左cj7,真係好一般,之後返到屋企,alice痾左屎o係個お手洗い塊板度,仲踩左d屎一腳,當然要捉佢沖涼啦,佢都好醒身有屎即時走人,死攬住貓樹,對於我呢個粗魯人一d用都無啦,大力扯佢出黎,點知扯爆左佢隻手指公爪,見佢隻爪仲o係度,就無特別留意,點知前幾日發現佢無左隻爪加傷口發炎,幸好barry幫手帶佢去睇vet,而家要食消炎藥,再等佢自己生返隻爪出黎,睇黎以後都唔可以對佢咁粗魯!!!(特別嗚謝barryさん)
另外barry家的一批4隻新成員又將會有一名加入我屋企,係比較白的,聽聞係最反抗最惡攪的一名,暫時打算以らき☆すた內屬於(傲嬌)（ツンデレ）系的柊鏡(柊 かがみ)的鏡(かがみ)命名,雖然我比較喜歡像司或美幸的天然呆類型,不過因為大家都是有媽媽的良好遺傳(哈哈!!)所有的女b都是世界級強度的,尤其alice的妹卡樂b,希望alice同小鏡唔好打傷對方^_^b