H3D壞左

小弟3年前,有幸搵到工,成為做左攝影行頭十幾年,不少廣告公司的ad,cd都識o既攝影師CK Wong o既助手,o係呢個做"香港專業攝影師公會"HKIPP o既早期會員了,呢個hkipp除左近年有某patpat鬼走出黎做左會長,玩拉大隊北上發展,每年攪下幾個相展,出本image年刊,仲有個x,mas party之外,真係唔知佢地有咩做,除左收會費,出image要自己晒相之餘仲要逐版計錢,錢真係收唔少,而家竟然有個投票,攪到一d本來唔多理個公會o既會員成日開會仲嘈之巴閉反枱咁濟,唔知係唔係個會太多錢,竟然打算攞d錢去玩投資,咁Q多錢,點解唔做多d幫攝影師o既野,如爭取下d低息貸款,攝影器材公司多d優惠,制定行業制度,幫d俾客走數o既攝影師諗辦法,助手訓練之類~可能有做我唔知啦,我又俾唔起錢做會員~_~
反而最近因為公司新買o既Hasselblad H3DII39壞左,而且送返丹麥都整唔返,結果要換新機,呢頭仲諗緊,買o既時候就好好服務,送機上門教點用,呢頭未夠3個月,買就16萬銀,要整又借機就要攞去佢地公司,仲想講佢地無售段服務,但係尋日上去因為整唔到要換新,要攞返舊盒上去換,換完跟手阿工程師俾左張卡片我,叫我可以約幾個fd,同為助手or freelance,可以約佢上返石利洛接受佢地產品o既技巧訓練,例如點樣因應數碼back去打燈,相機,軟件操作,仲有佢地因為亦係broncolor代理,新燈新power pack點用,h3d個digital back點裝4x5機玩都可以安排有得玩,幫d攝影助理點樣幫老闆順利工作,真係幾好,而新機當然都係狀況良好,因為試機我又順便影下部電話,不過因為我懶,50mm~110mm最近fouce位都好遠,但我又唔想攪咁大個地,落左extension tube玩marco

原file 100%原大corp一格1024x768出黎係咁o既

另外因為石利洛而家位於港島中心,就係o係華蘭中心隔離座新大廈,好高級,無行人路行去入口,而要同d車一齊行馬路,d 上37樓以上要轉lift,我上42樓,除左lift門,外面仲有一度磨砂玻璃門,好似地鐵車門咁後退少少再兩邊燙開又著白色冷光,好高級,不過真係有d多餘~

第一次用samsung ,softbank 707scII

之前部nokia N95,曾經係旗艦機型,幾個月前我第一次upgrade firmware,用原裝program,原裝firmware,原裝usb線,跟足程序,就up死左,要攞返上nokia整,佢地都無得攪要換底板,點知整出完就出裝攞3g線困難,攞完線打第一個電話一定打唔到,之後nokia個電話問卷調查打黎問我用完佢地維修中心覺得點,我俾左個歷史新低o既1分俾佢地,第2日已經有個男人打黎跟進,佢講會親自跟進,不過o個期無時間,上星期趁仲有保再上nokia整,以為上次有人話跟進,會服務好好,點知仲要俾個肥姐姐質疑我話~可能你將sim卡有問題喎,跟住又~可能你換左張4gb卡令都部機慢喎~!又要迫我同佢講~咪玩啦,第一次壞之前已經用緊架啦,係地整完又出新問題唔係賴我張sim同sdhc下化~!跟住佢話~我都係講返個可能性o者~!之後就一直大家都無講過野,就係叫我一個鐘之後上黎攞機,結果係整好,不過我已經唔想再用nokia~!
本來打算平平地買部LG ice_cream,不過學tony話齋,我男人老狗買錯色可能出街用會俾人打,而且得2g,所以都算~!
跟住諗起一部2007年春,日本softbank出左o既一部707sc,當年已經鐘意,不過貴加未解到鎖所以無買o既打算,不過上星期去左總部睇,本來打算睇812sh,815t同707scII,不過前2者都over2k,太貴了,而707scII又不同鋪相差很多,最後都係貪平買左部$1180hkd,可以用我現有的people 2g,pccw 3g,打出打入,video call都可以,sms收發都可以,雖然我開頭唔識send sms,不過已經ok了,不能上網,ok,不過鈴聲有d細同震動唔夠震,我諗我將會成為新miss call王,不過電量少,但對我呢d無咩電話講o既人可以3日才差一次電,好ok了~!
下一步就是trade in了垃圾n95換新電話,看看能換到什麼吧~

又病了~

2月15日同班舊wargame戰友返左大陸玩,食左一個$138人仔仲要加一o既日本野,2小時內任叫,但食幾耐就唔限,當然不能通頂吧,最好的事就係呢餐係彬少請o既,佢仲要帶我去揼骨,真係非常之感謝~
返到黎香港,星日期一聽barry講佢好似食左個未蒸熟o既壽包攪到腸胃炎,當我心諗咁兒戲?當晚自己煮左個麵就即刻食到自己腸胃炎,唔好話咩烏丫口,連諗下都唔得,本來諗住唔睇場足總盃,半夜都係胃痛醒左,坐起身睇左5分鐘就忍唔住要入廁所嘔,結果又痾又嘔,休息左兩日睇左醫生,多謝晒醫生o係我強烈要求下開特效藥仲要唔收貴tim,不過浪費左第一次d藥,因為食左唔夠15分鐘又嘔晒出黎,我都唔知自己幾多年未嘔過,上感覺實在好辛苦,終於感受到少少媽媽當年日日都嘔,睇咩醫生都醫唔好有幾咁辛苦,亦多謝媽媽呢兩日山長水遠走入黎照顧我,看來年紀大了,要更注意食野了,亦更覺得初六無同班朋友食d 大陸串燒肉係無錯o既,唔係話d野一定有問題,不過我o既虛弱腸胃未必頂得順~
另外早一個星期,o既屋企附近見到一個馬路電箱俾人整爛左,睇一睇入面,原來政府無老點架,佢地都係用慳電膽架,不過兩日之後就發覺個慳電膽已經無左,唔知係唔係俾人扭走左呢~_~

到深圳四海一家食buffet

星期六,仲係年初六,一班朋友去深圳地鐵世界之窗站某商場內的"四海一家"食buffet,基本上我覺得d野唔多好食,不過就係可以同大家一齊食已經很好了~
阿四海一家位處o既商場真係幾大,而且都整得幾靚,不過而家無論去大陸定返香港都係行呢d商場,其實真係幾悶~

我地住o既賓館真奇怪,一大朝早就開吸塵機吸塵,想點呀,基本上都係同平時一樣,我去到陌生地方跟本瞓唔到,同德少吹左成晚,去到都差不多朝早9點幾10點終於瞓得著,不過跟手就開吸塵機,頂~所以基本上第二天的行程我唔係太知自己做緊咩,影相囉,仲有我覺得今次行程最好o既就係去左鼎泰豐食lunch,d野幾好食~
最後大家去到福田,大家都決定回香港,不過我仲要等呀曉琳姐,留o係福田等左兩個鐘,竟然放我飛機,唔該晒,利是錢沒收了,仲可以回收個高級利是封~
相片 http://picasaweb.google.com.hk/umistudio/SNQBcB#