ARIA完左!!!

近來要令心情好轉,看keroro軍曹已經無咩用,佢第二輯已經無咁好睇,反而睇緊一套ARIA水星領航員可以令心境平靜,漫畫版好似係少女漫畫(地獄少女都好似係少女漫畫),佢講o既o野真係平時唔多會留意o既o野,加上有少少攪笑,仲有個聲音幾好聽o既女主角"水無燈里"(cv葉月絵里乃),仲有個艾利西亞"アリシア"(cv大原さやか),成日"丫嗱丫嗱"好鬼可愛下,真係聽都聽到心情平靜晒,可惜竟然出到13集就完左,唔通真係咁唔收得!?又要搵過第二套平靜動畫睇^_^b
上星期四跟班高手踩車去機場散步,最前兩個高手一早就唔見左,因為太快,我就唔知做咩平路都炒車,仲要頭落地先,而家個額頭一大個傷口,都唔緊要,因為兩個膝頭仲傷,基本上當晚都唔可以正常咁行,不過反而踩車無事無痛,但係尋日又煮煮下飯打爛個碗,割到手指尾,個傷口唔深,不過係好難止血,留左半碗仔血,呢排真係血光之災,希望唔好仲有更大件事o野黎緊啦!!!!